【法政匯絲】NQ 的自白

好多人都知做律師要經過兩年實習期,過咗兩年之後,就係兩年以來最光榮嘅時刻:正式由「青衣」(trainee) 晉身律師行列。正式成為律師要經過一個由法官主持、莊嚴嘅宣誓儀(admission ceremony)。由於「青衣」一般係law firm食物鏈嘅最底層生物,所以呢個儀式係有非一般嘅象徵性意義:如果閣下去過朋友嘅律師宣誓儀式,相信都會記得佢當日望落係幾咁神采飛揚、佢爸爸媽媽婆婆公公姨媽姑姐係幾咁驕傲、佢老闆係點樣讚到佢好似一出世就識揸火箭咁。 好喇,咁正式成為咗律師之後又點呢?「青衣」就會改名叫「NQ」,即係newly qualified solicitor。NQ嘅生活係咪大家(註:即係一眾trainee)想像中咁樣「上咗岸」嘅生活呢?等我小NQ慢慢話比各位讀者知。