「逃犯條例三部曲放映會」於6月19號晚在蘋果大樓內順利舉行,觀眾反應熱烈。放映會由資深傳媒人區家麟任主持,與一眾嘉賓包括法政匯思李安然大律師、《漸暗漸行》導演阮智謙、《砧板上》導演葉嘉麟、《動物逃犯篇》導演金剛Crew的許賢及豪哥,分享拍攝感受及解答觀眾疑問。

幾位導演雖然創作故事不一,但目標一致,就是希望透過短片「播種」,將惡法對港人有多大影響而散播開去。當中以學生及社工為主題的《漸暗漸行》, 導演阮智謙解釋:「點樣將白色恐怖滲透每個人身上,原來以為唔係好近自己,但都唔敢做某啲嘢,呢個先係條例嘅影響力。用社工呢個角色,就係佢本身理念係幫人,但係咪純粹想幫人都唔幫得呢?」《砧板上》則利用豬肉檔主這平民角色,去傳達條例的嚴重性。導演葉嘉麟說:「一開始諗起關於『砌生豬肉』呢個故事,如果咁平民嘅一個人,都會受逃犯條例影響俾人捉上內地,佢唔係真係有罪,只係受審半年、一年,都對佢生活有好大影響。」

三條短片播放完畢後,在座談會上李安然大律師亦分享法律意見:「世界上一百七十幾個法律管轄區,只有五十幾個同中國有移交協議,可見並唔係好多國家相信中國司法。」另李安然大律師不忘在嚴肅議題上,說說笑緩和氣氛:「好意外我媽媽都有睇短片。原本只係一班淨係追電視劇嘅『媽媽群組』,都有人喺群組內分享《砧板上》呢條片,可見影片有散播、正面作用。」

席間有女觀眾發問時感觸落淚,表示不相信一國兩制,憂慮香港前景。「做中國人好恐怖,香港人就乖好多;我唔知可以點,要我哋扮聾作啞生活嗎?」另一位15歲中三學生則憂心:「如果林鄭下台,中央會唔會委派一個更可恥嘅人上台?」葉嘉麟和李安然大律師則同時表示,我們現在做的,就是不希望下一代過現在的生活,所以站出來,要上街。而在台下的八十後浪代表Kevin Ko亦提醒港人要積極面對,要「做咗先」;6.9的100萬人,6.12的200萬+1人,絕對對反送中起了正面作用。

原文載於2019年6月20日《蘋果日報》