主持人:葉振東、詹前穎、Andrew

今集嘉賓: 石書銘

石書銘大律師,大律師公會執委以及法政匯思成員之一。佢曾在反新界東北撥款案,同佔領運動重奪公民廣場案,出任黃之鋒既代表律師。

法庭近日對佔領運動作出判決。當中佔中九子分別被判處公眾妨擾罪,煽惑公眾妨擾罪等罪行,監禁8至16個月。有人認為判刑太輕,鼓吹市民違法;亦有人認為判刑太重,並無考慮一違法達義,公民抗命等背後理由。到底法庭係點看待公民抗命,違法達義等概念呢?

早係2018年佔領公民廣場案既判詞,已經表明香港對於公民抗命既理解,係故意違反唔公義既法例,或者透過違法行為,達至改變社會既目的;當時法庭認為,佔領違反和平非暴力,而且佔領運動本身,係針對人大8.31框架,唔係公安條例,所以公民抗命的因素,對量刑既考慮甚少。

而在佔中九子案,法庭直指公民抗命並非法律上的辯護。但法庭考慮量刑起點,曾緩引英國既公民抗命 R V Robert 案,指出悔意先係量刑考慮,但事實上英國係尊重和平抗議而判處社區服務令,咁到底今次法庭又係咪自相矛盾呢?

咁公民抗命,違法達義等,又是否應該作為判刑既考量呢?

今集政壇新秀訓練班,請嚟石書銘大律師由古到今,由淺到深咁,傾下以上種種的法理依據。

請即收看