周末,小熊維維相約他的好朋友小豬碧碧和小驢希希在森林野餐。雖然維維最近睡得不太好,但他很期待見到碧碧和希希,跟他們吃喝聊天。

下午三點三,維維去到他們的老地方蜂蜜樹下,鋪好野餐墊,將蜜糖、果醬、麵包放好,等待朋友來臨。

希希先到達,一貫垂頭喪氣的樣子,維維沒特別在意,只是好奇希希帶了什麼「好西」來一起吃。很快碧碧也來到,豈料一向樂天的她竟然也一臉沒精打彩。

維維:「碧碧,發生咩事呀?點解咁悶悶不樂?」「我發惡夢,俾人網絡欺凌呀!」「吓?」「夢入面有班冇品嘅網民囉!話我似香城個領導人呀!我仲嬲過上次俾人笑我似臭豬西西呀!」「點解咁嬲呀?」「佢個人太自大,話就話同大家同行,但其實睇唔起人。讚自己係高材生都算,明明唔打得又唔認,俾人批評幾句就發脾氣話『大家鍾意點講就點講』。我份人咁平易近人有同理心,俾人話我似佢,真係好唔開心呀!啲人唔鍾意佢但笑埋我,俾人出吓氣我好有所謂呀!」

維維心裡不安,但都盡量安慰碧碧:「發夢啫,你唔好唔開心啦!我呢排都成日發惡夢呀。我發夢學校秋季旅行去郊遊,見到木橋於是我想上去玩擲樹枝落河,點知個香城領導人係都要同我並肩行,後面個香城前領導仲要唔停嗌『走大橋,看珠西!』我想影低佢個傻樣,但俾老師發現,沒收咗我個電話,無得同同學仔影selfie呀!慘無人道呀!」

這個時候,一直沉默的希希終於開口了:「點解大家都一齊發惡夢嘅?我最近都發夢俾人話我似賭城個領導人呀!仲俾人笑我講普通話講得差,笑我笨……嗚……」

可憐的三隻小動物,在陣陣的秋風中,解釋不了為何一起發惡夢。

Belle Woods @ 法政巴絲

(原文載於2018年10月27日《蘋果日報》)