唔做正能樣

講開正能量,某智庫近日拍片支持東大嶼山填海,當中緬懷殖民政府管治下「八九十年代嘅香港好有衝勁,地方細細、志氣遠大,好似乜嘢都有可能發生」,嘗試用啲美好回憶嚟宣傳填海。不過,管治香港嘅由英國人變咗做中國人;依加亦係普選無期嘅2018年,唔再係憧憬立法局直選嘅1988年。咁樣嘅香港,唔通我哋擺返一副「正能樣」就會時光倒流、變返歌舞昇平?