「法政匯思」成員任建峰(圖)噚晚正式卸任召集人同埋核心小組成員嘅職銜,淡出組織,將時間畀番家人。任建峰話3年前成立「法政匯思」,已經講明只做3年,當時好多人都唔信佢,事實證明佢係會兌現承諾。

任建峰2014年成功向律師會前會長林新強發起不信任動議,將林新強拉下台,一舉成名。之後佢聯同比較年輕嘅法律界人士組成議政團體「法政匯思」。

繼續做會員 寫法律親子文章

「法政匯思」噚晚舉行周年大會,任建峰卸任召集人。佢話因為2014年律師會嗰場特別會員大會,成功向林新強提出不信任動議,令佢感受到一份責任,於是開始參與公共事務,「當我做了要做的事,我就不應繼續逗留」。

佢話仍然會喺「法政匯思」做普通成員,參加每月聚會,日後會繼續就法律、政治,同埋較軟性議題如親子、飲食等寫評論文章。

(原文載於2018年1月13日《明報》)