【法政巴絲】就算良知唔可以當飯食 please use it

今時今日,講良知,好似好膠咁,尤其係由一個律師咁講嘅時候。首先,喺一個商業社會,個個人都係以自己嘅利益行先,呢個係商業社會嘅生存法則。誠哥賣樓畀你,都唔會用良心價啦。況且,律師/大律師呢個行業係以客人指示為依歸,只會收錢做嘢,唔會道德批判自己個客,好多人都覺得正所謂「法律面前,窮人_ _」(當然亦都多得好幾位滿口歪理,淨係向既得利益者靠攏嘅同行)。律師同人講良知?好似離地咗啲喎。