【法政匯絲】唔好升我職

一語中的。我相信,唔少人都好似 N 口中啲女同事咁,講就話要 A,行動就做 B,咁搞法,鼎爺都幫你唔到。新嘅一年,名位絲打又係時候思考吓,究竟你生命中有咩元素(如家庭、事業、信仰……),呢啲元素各自嘅比重有幾多,而你又可以做啲咩去實現你追求嘅平衡。唔一定要好似 G 咁激要轉工嘅,譬如話,如果你覺得法治同環保喺你生命中有絲絲嘅重要性,咁你可以考慮撥點點嘅時間、資源同努力去支持呢件事,可以係捐一百幾十畀守護公義基金、可以係(叫人)咪_丟垃圾,悉隨尊便。 最後,祝大家喺 2017,要(唔)升職就可以(唔)升職、要 B 有 B、要拍拖有拖拍、要__有__!(請自行填上)