【法政匯絲】爆房有底線

「咪玩啦,山長水遠去日本爆房?」絲打Cissy問。「其實係咁嘅,我同佢鍾意玩即興,去旅行好多時都係冇行程兼唔會訂定食宿,因為咁先隨時有新嘗試同驚喜!」我答。 Cissy:「冇訂房?你唔驚要瞓街咩?」原來Cissy都唔係好了解我。「去旅行,最緊要都係一顆閒心啫,基本上只要個人安全,我咩都冇所謂,有現金有護照喺身,我真係未驚過。」 講到呢度,我諗起李波。見到佢被自願偷渡同被放棄居英權,我發現,我而家呢份即興去旅行嘅自由,原來並唔係咁理所當然。我沉默。