好多人有個印象,認為律師可以亂咁收費,坐低傾一粒鐘收你幾千銀,出封律師信又收

幾千銀,鍾意收幾多就幾多。

其􏰂律師收費同其他專業人士一樣,一係之前同你同意咗成個工作收幾多,一係就同你講明每個鐘頭幾多錢嚟按時收費。(當然係講緊正派嗰啲啦,被法官開埋名要向律師會 投訴嗰啲唔好計。)

唔止咁,香港其􏰂有法例特別規管律師嘅收費。《法律執業者條例》裏面有條文指明, 如果律師收費嘅協議係不公平或者不合理,法庭有權取消該協議或削減收費。所以,香 港法律保障市⺠免被律師濫收費用,比起任何其他專業人士更加嚴格。

如果有律師先前講明話成單案收你500萬,保證唔會要求追加款項,仲講到單案勝算有 幾大,對你公司經濟效益有幾高。點知件案打到三分之二先話要追加300萬,但原來打 贏單案都唔會收到咩錢。你問多兩句,佢就兇你話:你都洗濕咗個頭咯,唔打落去要賠 返100萬俾對家,仲會被人笑添!咁你係咪都會照俾呢?

好在你仲可以要求法庭評核律師費合唔合理。但係如果問你攞錢嘅係其他人,法庭就無 權理喇…

雖然法律已經有保障市⺠嘅機制,但係有啲客又真係好離譜。以為自己出錢就大晒,可 以鍾意點就點。明明簽晒約話收幾多錢,都嫌呢樣收得多,嗰樣唔應該使。呢啲無賴客 其􏰂通常都係一隻棋子,一係為錢,一係為上位。我哋老細通常都會無耐地息事􏰃人, 俾啲面呢啲無賴客,酌量減收10-20%嘅律師費。呢啲無賴客就會好滿意,又可以同上 面邀功、同周圍啲人講佢成功爭取吖嘛。

啱啱上個禮拜先有單荒唐嘢,又係以為自己出錢就大晒。我哋有個公司客,其中一個主 要投資者係信託基金嚟嘅。佢就話因為佢哋出錢,所以係都要霸住個基金有份投資嘅公 司總監嚟做,仲委任埋個自以為係皇帝嘅人嚟做委員會主席。

皇帝主席之前都已經臭名遠播㗎喇。佢一上場就周圍惹火頭,佢仲叫錯我做衛庭 「君」,竟然話我之前喺第二間律師樓做過intern,唔係俾緊獨立嘅專業意見喎!我答 佢都覺得自貶身價。(但其􏰂大家都知佢先係孭住隔離公司嘅委員銜頭,唔知入呢間公 司有啲咩秘密任務。)

佢又話我班同事好似high晒嘢咁,成日唔做嘢,淨係掛住參加律師樓同律師會嗰啲舞會 喎!好在我哋見得無賴多,尤其是濫藥自high嘅癮君子,日日喺法庭見大把。佢哋有啲 係真•妄想症,但係有啲係扮傻其􏰂有hidden agenda,例如諗住扮傻俾口供呃吓啲陪審 員咁。我哋真係無咁易被佢轉移視線呀!

我同我班同事睬佢都傻,但係就戥嗰班出錢擺落個基金嘅大眾唔抵喇。基金啲錢明明係 阿公嘅,但係個信託基金揸𨋢人就當正個基金係自己嘅。鬼叫個信託基金嘅章程寫明淨 係揸住特級股權(preferential shares)嘅少部分受益人先有權選揸𨋢人咩!個揸𨋢人真 係唔使放啲大眾受益人在眼內。希望大眾受益人早啲醒,齊心合力改咗個基金章程,撤 銷特級股權呢啲唔公平嘅條款啦!

(圖片來源:無線電視截圖)(撰文:衛庭官@法政匯思)

所有博客及專欄文章只代表作者本人意見,並不代表本報立場。

(原文載於 2016 年 2 月 4 日《852郵報》)